Random Sample 5

Cormorants howl
To the Coruscant sky
Mimicking the sound
Of the Unicorn's neigh
Below the deck the slavers toil
The whip cracking to the sound of drums
As the paddles grind, the waters boil
Never stopping 'til the tempest comes
The innocents bawl as the thunders fly
Straight out of the barrel of a giant spider
As sunrise proceeds to reddened sky
Fading souls cry out - remember us, remember!

Random Sample 4

Racing, racing, running to stay
Tumbling, moving, struggling to lay
Summer is approaching, soon it will be May
Soon it will be June, classes, classes, first day
I could be good, or bad, both to be easy on myself today
But tomorrow beckons, had to move, had to work, have to make a way
For distant meadows are nothing but a hope to delay
What is now a deed, tomorrow is, today, today
Move, move says the sun to the wind, an order do not belay
Wait, wait says the breeze, I want to stay, to stay to play
And in that dance of light and air the Mayas sway
The elven whirlwinds spin litter and leaves and floating hay

Random Sample 3

And when the clock turned back
The minutes became hours
Eighty five people talked
About the weather and me
And most of them said
It was raining when I was born
Floods were everywhere
And the roof of the house was torn
I wonder if it was bad
To think too much of the sea
That I was afraid of it
Terrified that it will take me
Churning waves and eerie calm
Never failed to disturb
Despite that I will sit on a boat
Best I can my fear I curb
Sail away I would
Underneath, a million miles
The thought of it, humbles me
For every jitter, I give a hundred smiles
So that I forget what I ought to be
But instead remind myself, that life beguiles

Random Sample 2

Last day, last way
Coming into me
Forebay, Manila Bay
Forward, forward, you will see
Sundown, countdown
All the best will flee
Small town, big clown
Forgetful, do not be
Macaroon, show the moon
In a blissful fantasy
Fly by, to the sky
Leaves, leaves, one single daisy

Random Sample 1

Random Sample 1

Bring the blisters to the sea
And force the minarets to stand and declare
That whoever moves and seeks to be
Will face the wrath of the dragon and the bear
To raise the colors and thunder’s light
Shall show the way of plunder’s plight
Ominous paints splashed on doors
With the king of beasts on all fours

A tale bewitched by the mermaid’s song
To show or not, decide, belong
And never ask what this means
For meaning, it has none, and so it seems

Aratiles

Binaybay nilang magkapatid ang pilapil. Maputik and lupa ngunit malinis ang hangin. Ang langit asul, at ang palayan berde. Si Kuya ay nasa grade six, si Ading ay grade por. Pero walang pasok ng araw na yaon. Tuwing sabado, nakaugalian na nilang mamasyal sa bukid, malapit sa burol, sa gawi ng sakahan nila Bittong.

Bagamat wala pang dalawang kilometro ang layo mula sa 'centro', ang daan patungo sa burol ay tila isang malayong paglalakbay na sa magkapatid. Galing sa bahay ay dadaan sila sa Burgos na kung saan may asong nanghahabol ng mga bata, mula roon ay tatawid sila ng Kulukul Creek patungo sa San Nicolas. Sa San Nicolas, maraming siga, bata man o matanda. Kailangan nilang umiwas ng daan, kaya ang gilid ng dike at taas ng parensa ang kanilang sinusundan. Paglabas ng San Nicolas ay kailangan nilang tawirin ang daybersyon road - napakalaking daan na kung saan dumadagundong ang mga bus at trak na.Pagtawid nila ay puro palayan na, at mahabang putikang pilapil ang kanilang tutulayin.

Ang palatandaan ng dulo ng paglalakbay ay isang malaking aratiles na matatagpuan sa mala-islang tumpok ng lupa at kawayanan. Ang aratiles ay mataas at palaging hitik sa bunga. Ito ang huling destinasyon ng magkapatid bago tumulak pauwi.

Karaniwan, parehong umaakyat sa aratiles ang dalawa, pero ngay0n araw na ito ay tila madaling nagsawa si Kuya at nasumpungang hanapin na lamang ang pinanggagalingan ng bukal sa tabi ng palayan. Si Ading, sadyang may baon pang plastik, ay desididong di lamang kumain ng aratiles kundi magbaon pa pauwi.

Hala sige ang kanyang pagpitas. Meron dito, isang tumpok. Duon may mga hinog pa. Inumpisahan niya mula sa laylayan ng mga dahon, siyang mga naabot pa niya mula sa lupa. Pagkatapos non at paakyat siyang namitas, unti unti, hanggang mapuno ang kanyang plastik at marating niya ang tuktok ng aratiles.

Sa taas, kumain ng ilang aratiles at bahagyang nagpahinga si Ading. Dahan dahan siyang kumuha ng ilang mapupulang bunga mula sa plastik, at baka matapon ang kanyang mga nakolekta. Kapag nakasubo na ng ilang hinog na bunga ay kikipitin niya muna ang plastik, kakapit ng mabuti sa sanga ng puno, at tatanaw sa kalawakan ng palayan habang ngumunguya. Malililim duon sa puno, may bahagyang hangin, tahimik, kasama si Kuya. Ligtas ang pakiramdam.Payapa.Masaya.

Ngunit mula sa sulok ng kanyang pananaw ay nakita niya ang isang aratiles - malaking malaki, pulang pulang, at tila pintog na pintog sa busog sa lambing ng araw at hangin. Iba itong aratiles na ito, tila maliit na bayabas na sa laki, tila apol ang pagkapula. Tinantiya ni Ading kung kaya niya itong makuha. Medyo malayo, nasa dulo ng payat na sanga. Pero 'maabot ko yun' ika niya sa sarili, 'basta dahan-dahan lang'. At pinadausdos niya ng pagkaingat ingat ang kanyang mga paa papalapit sa aratiles, patungo sa dulo ng sanga, habang nakakapit sa isa pang payat na sanga sa ulunan niya. Dahan-dahan. Malapit na. At marahang narating ng kanyang munting kamay ang mapulang aratiles, at itoy pinitas ng may ngiti sa labi.

At sumabay sa pagkapitas ng aratiles ang isang malakas na tunog - KRAK! Nabali ang sanga. Sa isang iglap ay nasa lupa na si Ading. Nang mahimasmasan ay napansin niyang nakahiga na siya sa maputik na lupa, nakatingin sa pinanggalingan, na mula kung saan ay nahawi lahat ng dahon at sanga ng aratiles dahil sa kanyang pag-imbulog.Dahan dahan siyang bumangon, at dahan dahan niyang binuksan ang kaliwang kamay - naroon ang pula at malaking aratiles, buo at makintab pa. Napangiti siya. Kinipit niya ang kaniyang plastik papalapit, at pagtingin dito ay napawi ang kaniyang ngiti - wala na lahat ang iba pang aratiles, wasak ang plastik, at may bahid pa ng pagkapisat ng ilang bunga. Sa kanyang paghulog ay nagtalsikan ang mga ito, sumabit sa mga sanga, nahulog sa putikan, kanyang nadaganan. At sa kanaisang mapawi ang sama ng loob, isinubo niya ng malaki at mapulang aratiles. Dahan dahan nilaro sa dila, at saka kinagat. Ngunit sa kaniyang panlasa ito ay matabang, tila mapait pa nga, at makapal ang balat.

Nangingilid na ang kanyang luha ng dumating si Kuya, kaya pinigilan na lamang niya ito. Oras na para umuwi. At sa paglalakad pabalik sa bahay, pawang tahimik si Ading habang si Kuya ay maraming kuwento tungkol sa bukal - na may mga butete doon at insektong tumatakbo sa ibabaw ng tubig.

Palubog na ang araw nang marating nila ang bahay. Walang dalang aratiles si Ading. Wala tuloy ang dapat na kakainin nila ni kuya pag-uwi, na siya rin sanang pasalubong nila kay Bikyung.

Helmet

Minsan isang gabi, nakapila kami ni My Babe sa Mercury Drug. Napakaraming tao. Tatlong hilera yata ang naghihintay sa tapat ng buong counter. Takbo ron takbo rito ang mga pharmacy assistant. Sa mga customer, may tahimik, may makulit, may mga bagets at may mga senior citizens, may mga nanay, tatay, ate, kuya etc. Sa suot na damit - may mga parang nakapambahay lang, may mga tila galing pa sa opisina, at meron ding matatandang nakapustura at isang toneladang gamot yata ang binibili, ang kanilang mga reseta pwede na yatang i-ring binder.

Pero sa dinadami ng tao nung gabing yun, nahuli ang atensyon namin ng isang babaing pumasok. Na short-shorts siya, naka-spaghetti strap, at naka -- helmet. Oo, as in motorcycle helmet na nakaistrap securely to the chin niya. Derederetso lang siya papunta sa counter, may dala rin siyang reseta o listahan. Pinilit naming di matawa ni My Babe, pero nahirapan kami. At sa aming pigil na kakatawa sa tabi, nagumpisa ang aming pagmumumuni-muni - bakit kaya siya nakahelmet? Mula sa Mercury hanggang sa makauwi, pinilit din naming sagutin ang katanungang ito:

Bakit siya nakahelmet? Marahil ito ang mga kadahilanan:

1. Sobrang ganda niya at sobrang insecure ng boyfriend niya (wear a helmet, baka mauntog at matauhan)
2. Sobrang ganda ng hair niya ayaw niya itong ma-expose sa elements o di kaya naman
3. Nagpaparlor siya ng hapon na iyon at nangyari ang isa sa mga sumusunod - nasunog ang buhok niya dahil cheap lang ang pinang-rebond, nagpakulay siya ng red at lumabas ay putcha pink, o nakalbo siya
4. Pagpasok niya ay nakita niya ang alin sa mga taong ito - ang kaniyang ka ONS ng ilang beses, ang 'totoong' gerlpren ng kanyang boypren, o ang kanyang tatay na akala ay nagpunta na siya sa Japan
5. Sobrang sarap isuot ang helmet - may mini aircon at MP4 player
6. Balak niyang holdapin ang Mercury at iyon ang kaniyang maskara
7. Yung ang kanyang fashion statement, ang tagline ay "better safe than sorry"
8. Gusto niyang mag football o feeling astronaut siya
9. Kilala siyang personality sa local church, pero kelangan niyang bumili ng condom
10. Kakabrain surgery niya at wala pa siyang bungo

Haynaku, ano pa kaya ang dahilan? Ano sa tingin mo? Hanggang hatinggabi ay palaisipan (at katatawanan) namin ang "lady in the helmet". Panalo siya, pinasaya niya kami. Suwerte nga naman ng boypren niya. Sana di siya mauntog. Sana nga may motor sila, kasi kung nakita namin siyang sumakay sa tricycle o di kaya ay sa kotse, e pawang mas mahabang kuwento na naman yun.